Semu tutti Autonomisti corsi… di sicura avali tutt’u mondu hà capitu chi ci vole à parlà di e spicificità corsi o di a spicificità corsa… Ié mà u prublema hè ciò che stu termine significhegja è u sò cuntinutu hè di sicuru sfarente da quiddu vistu dà i Naziunalisti..
A Diritta parla di Reghjunalismu é cerca à sbarazzassi di i « cunvinziunali » mà basta à veda ciò che u reghjunalismu di diritta hà fattu st’ultimi anni è e pusizione diffese annant’à a lingua, u statutu di residente, u populu é l’amnistia pà capì che u solu scopu di sti « novi » ghjenti (invicchjati quantuncqua) hè di piglia a piazza di certi eletti di diritta (più anziani) é basta.
A Manca hè più che indebulita, ch’edda fussi clanista, clientelista o radicale (« Rivuluzionaroia » !!) francesa. Certi anziani clanisti o clientelisti cercani à rilanciassi, spiegendu che oramai ci vole l’Autunumia pà a Corsica, mà micca « un’Autunumia di rifiutu », innò « un’Autunumia inclusiva » pà bè mustra l’attacchamentu à a Republica francesa !!… Eddi dinnò si scurdani di tutt’e pusizione passate contra tutta spezia d’Autunumia ancu simplice Autunumia di gestione dipoi anni é anni..
Di sicura poc’a pocu videndu che l’Autunumismu é u Naziunalismu corsu sò l’alternativa in Corsica, cercani à avviccinassi di a rivindicazione é prestu sarani podassi ancu Naziunalisti tantu a Diritta che a Manca.. Hè a logica di l’evoluzione in Corsica, sopratuttu quandu i partiti francesi ancu in Pariggi sò a l’addisperru.
Mà u populu un’hà a mimoria corta è sà ciò chi s’hè passatu dipoi anni e anni in Corsica… è l’hà bè fatta capì à st’elezione leghjslativi, mandendu tre naziunalisti in Pariggi..
