Quantcast
Channel: Assassinat
Viewing all articles
Browse latest Browse all 10438

#Corse – « Loda di u naziunalisimu municipale » – U Ribombu

$
0
0

(RIBOMBU) E municipali d’Aiacciu sò state annullate colpa à una froda… senza scrucconi. À l’avvicinà di u ritornu a l’urna, ind’è i stati maggiori di i partiti furmiculeghjanu i so strategichi di sottu prifettura.

 RibombuCum’è sempre quand’ellu si tratta di scutini lucali, un’interrugazione frastorna a so raziunalità eletturale. Ci vulerà à naziunalizà l’elezzione – sia qual’ella sia a Nazione – o cunsiderà chì a res publica si pianta à i cunfini di a cità ? Insomma, esaltà una razza di patriuttisimu municipale. Un campanilisimu di pulitichella ch’avemu vistu torna à l’opara à l’Assemblea di Corsica per sceglie a sede di l’uffiziu fundiariu. C’avemu assistutu ochjisburlati, o affanati. I dui infatti.

Mi tocca à cunfissalla, sta dumanda doppia, stu Janus di a strategia eletturale, ùn l’aghju mai capita. Micca u sensu ricircatu di sicuru, ma u significatu. St’uppusizione indarna trà e cose di a cità è quelle di a Nazione. A cità senza prugettu naziunale quant’è a riproduzzione di un neocentralisimu corsu chì neghi a demucrazia cumunale ghjè purtà un’andatura scianca. È infine alluntanassi da u fine di l’azzione pulitica : u cumunu.

Cità Corsa. Eccu u nome di a dimarchja municipale di Corsica Libera in Aiacciu. L’essenza di a nostra lotta. A Corsica, micca un’arcipelagu di paesi. Un paese plurale ma un paese sì. L’accessu à l’alloghju, à u fundiariu, à l’impiecu, a prumuzione d’un sviluppu chì rispetti u nostru circondu naturale è culturale, una visione di a sucetà chì ponghi à u centru l’identità, aiaccina perchè corsa, corsa perchè aiaccina. Tante quistione chì cummandanu risposte naziunale.

Ma chì si devenu nutrisce di spirienze lucale, guidate da u nostru filu, quellu di a lotta. Di a strada diritta. Ricusemu st’idea chì à u nivellu di a cumuna tuttu si valghi è chì tuttu si possi accuncià à u nome di u prammatisimu, di a gistione… è di i spartimenti di e « rispunsabbilità ». Innò, a municipale hè un’elezzione pulitica è a vita di u citadinu ùn si pò staccà di l’avvene di u paese sanu. Ogni accordu di mandatura viotu di cuntinutu puliticu hè à u megliu un sbagliu, à u peghju una trappula.

L’indipendentisti devenu guvernà a Corsica, purtà ind’è e cumune l’idee d’emancipazione, traducele in fatti. Eccu ciò chì guida a nostra azzione. È dumane, sè u bisognu si face risente, abbatte a legge francese per valè u dirittu corsu. Quellu vutatu da i so riprisintentei : l’ufficialità di u Corsu, u statutu di residente… In poche parolle, custruisce u naziunalisimu municipale.

Petr’Antone Tomasi 

U RIBOMBU


Viewing all articles
Browse latest Browse all 10438

Trending Articles


Vimeo 10.7.1 by Vimeo.com, Inc.


UPDATE SC IDOL: TWO BECOME ONE


KASAMBAHAY BILL IN THE HOUSE


Girasoles para colorear


Presence Quotes – Positive Quotes


EASY COME, EASY GO


Love with Heart Breaking Quotes


Re:Mutton Pies (lleechef)


Ka longiing longsem kaba skhem bad kaba khlain ka pynlong kein ia ka...


Vimeo 10.7.0 by Vimeo.com, Inc.


FORECLOSURE OF REAL ESTATE MORTGAGE


FORTUITOUS EVENT


Pokemon para colorear


Sapos para colorear


Smile Quotes


Letting Go Quotes


Love Song lyrics that marks your Heart


RE: Mutton Pies (frankie241)


Hato lada ym dei namar ka jingpyrshah jong U JJM Nichols Roy (Bah Joy) ngin...


Long Distance Relationship Tagalog Love Quotes